FALSAPAH IBING PENCA
FALSAPAH IBING PENCA
Igelan/ibingan
ditabeuhan ku kendang penca nyaeta dua kendang gede jeung nu leutik
disebut kulanter. Alat anu nangtukeun tungtung gerakan nyaeta disebut
kempul (goong leutik), ditambahan ku Tarompet nambahan suasana anu
ngarupakeun daya tarik anu mandiri.
Dua kendang gede sorana
patembalan nyaeta dung.. dung.. bang.. pak, simbulna tina indung jeung
bapa. Indung kudu dijunjung, bapa kudu dipuja; indung anu ngandung, bapa
anu ngayuga....
Kulanter ngeuyeuban kana sora
kendang gede. Kulanter ngandung harti :
Ku : Kudu
Lan : Lantip,
wijaksana, handap asor, taat
Ter : Wanter, gede wawanen kanu hal-hal
anu alus
Tarompet ngilu kana sora kendang mawa hiji lagu anu
cocok jeung wirahma kendang (itungan 4, 5, atawa 7). Tarompet nyokot
harti "TARa loba OMong jeung ngoPET"
Upama urang boga rezeki
kaluarkeun sodasoh, zakat numutkeun katangtuan agama. Ceuk papatah sunda
mah "ulah cukup belengur balaga naya".
Anu terahir gerakan ieu
ditutup ku goong leutik anu disebut bende atawa kempul. Sorana,
keung... keung... ngandung harti :
Keung = keueung, sieun; tong
sieun kana hal-hal anu hade sieun mah ngan ka Alloh wungkul.
Kempul ngandung harti :
Kem : kembang
Pul : kumpul.
Jaman baheula upama rek ngumpulkeun jalma di desa biasana sok
ngagunakeun kempul. Biasana upama ngadenge sora kempul, eta teh isarat
pikeun ngumpul. Jadi kempul dipake dina penca silat supaya ditontonan ku
balarea.
Tidak ada komentar:
Posting Komentar